ՎԻՐԱՀԱՏՈՒԹՅՈՒՆԻՑ ԱՌԱՋ

• հետևեք իմ բոլոր առաջարկություններին նախապատրաստական փուլում, սա ամենակարևորն է
• վիրահատության հաջողության գրավականը ձեր կայուն առողջությունն է և լավատեսական վերաբերմունքը
• մի ամաչեք պարզաբանող հարցեր տալուց վիրահատության գործընթացների և փուլերի մասին, որոնք դուք չեք հասկանում կամ որոնք վախ են առաջացնում, դա կավելացնի վստահություն հաջող արդյունքի նկատմամբ
• հետաձգեք վիրահատությունը, նույնիսկ եթե ունեք սուր շնչառական վիրուսային վարակի աննշան ախտանիշներ մինչև ամբողջական ապաքինումը
• ծխելը և ալկոհոլի օգտագործումը կարող են թուլացնել ձեր առողջությունը և ազդել վերականգնողական գործընթացի վրա
• եթե դուք հակված եք արյունահոսության կամ հաճախակի կապտուկներ եք ունենում, խնդրում եմ պատմեք ինձ այս մասին ձեր առաջին խորհրդակցության ժամանակ
• վիրահատությունից մեկ շաբաթ առաջ խուսափեք բոլոր սննդային հավելումների և վիտամինների ընդունումից
• նախապես տեղեկացրեք ցանկացած դեղամիջոց ընդունելու մասին, ներառյալ պերօրալ (բերանային) հակաբեղմնավորիչները

Նախավիրահատական նախապատրաստումը ներառում է ստանդարտ բժշկական հետազոտություն: Խրոնիկ հիվանդությունների դեպքում կարող է նշանակվել լրացուցիչ ախտորոշում, ինչպես նաև խորհրդատվություն մասնագետների (էնդոկրինոլոգ, սրտաբան, գինեկոլոգ) հետ։

Նախնական խորհրդակցության ժամանակ ես ստուգում եմ անցկացնում և գնահատում վիրահատության նպատակահարմարությունը։ Եթե ճարպային մարմինների հեռացումը ձեզ մոտեցնում է ցանկալի արդյունքին, ապա քննարկվում է ճարպային հյուսվածքի քանակությունը, որը կհեռացվի:

Ախտորոշիչ զննումներ.

• ԷՍԳ սրտաբանի եզրակացությամբ,
• ֆտորոգրաֆիա կամ կրծքավանդակի ռենտգեն,
• ուղեկցող հիվանդությունների առկայության դեպքում` մասնագիտացված բժշկի եզրակացությունը վիրաբուժական միջամտության հակացուցումների բացակայության մասին։

Լաբորատոր թեստեր.

• արյան ընդհանուր հետազոտություն (10 օրից ոչ հին)
• մեզի ընդհանուր հետազոտություն (10 օրից ոչ հին)
• կոագուլոգրամ (10 օրից ոչ հին. APTT, INR, պրոթրոմբին, ֆիբրինոգեն, թրոմբինային ժամանակ)
• արյան խումբ, Rh գործոն
• RW (Wassermann արձագանք), ՄԻԱՎ, հեպատիտ B և C (HBS, HCV), (3 ամսից ոչ հին)
• արյան կենսաքիմիական հետազոտություն (ALAT, AST, ընդհանուր սպիտակուց, գլյուկոզա, ընդհանուր բիլիռուբին, կրեատինին, միզանյութ, էլեկտրոլիտներ (K, Na, Cl), (10 օրից ոչ հին):

Եթե հայտնաբերվում են նորմայից ամենափոքր շեղումներ, օրինակ, կենսաքիմիայում, ապա վիրահատությունը կատարվում է նախնական դեղորայքային նախապատրաստումից հետո ցուցանիշները նորմալացնելու համար: Եթե կան չնախատեսված, ժամանակավոր կամ այլ առողջական խնդիրներ, ապա վիրահատությունը պետք է հետաձգվի ձեր անվտանգության համար: Խնդրում եմ նշել ձեր առողջության բոլոր «աննշան» խնդիրների մասին:

Ինձ համար ձեր առողջությունն ու անվտանգությունն առաջնային են, այդ իսկ պատճառով ես վիրահատում եմ միայն այն ժամանակ, երբ 100%-ով համոզված եմ, որ հակացուցումներ չկան և գիտեմ ձեր ամբողջական բժշկական պատմությունը։

Վիրահատության նշանակված ամսաթվից 10 օր առաջ խորհուրդ եմ տալիս ամբողջությամբ վերացնել ալկոհոլի օգտագործումը և 3 օր առաջ՝ ծխելը, որոնք խաթարում են ապաքինումը և կարող են բարդություններ առաջացնել, ինչպես նաև բացասաբար ազդել վիրահատության վերջնական արդյունքի վրա։

Վիրահատությունից 14 օր առաջ խորհուրդ չի տրվում մաշկի վրա ագրեսիվ ազդեցություն ունեցող կոսմետիկ ընթացակարգերն իրականացնել (քիմիական կամ խորը պիլինգ), իսկ 7 օր առաջ՝ սոլյարի այցելելել։ Հնարավորության դեպքում վերացրեք ձեր դեմքի բորբոքումը կամ գրգռվածությունը:

Նաև 14 օր առաջ անհրաժեշտ է ժամանակավորապես դադարեցնել հակամակարդիչներ ընդունելը (ասպիրին, հեպարին, վիտամին C, կարդիոմագնիլ, թրոմբո-ԱՍՍ, ցավազրկողներ և ջերմիջեցնող դեղեր) և հորմոնալ դեղամիջոցներ, ներառյալ հակաբեղմնավորիչները: Եթե անհնար է հրաժարվել որևէ դեղամիջոցից, անպայման գուշացրեք դրա մասին առաջին խորհրդակցության ժամանակ, որպեսզի ես կարողանամ առաջարկություններ տալ, թե ինչպես վարվել այս դեպքում՝ վերացնել դեղը, փոխարինել այն կամ թողնել այնպես, ինչպես կա:

Վիրահատությունը կատարվում է դատարկ ստամոքսի վրա, ուստի վիրահատության նախորդ գիշերը երեկոյան ժամը 20-ից հետո ոչինչ մի կերեք։ Վիրահատությունից առնվազն մի քանի օր առաջ խորհուրդ եմ տալիս խուսափել սուրճից և էներգետիկ ըմպելիքներից։

Դաշտանային ցիկլը չի ազդում վիրահատության վրա, ես խորհուրդ եմ տալիս իմ հիվանդներին նշանակել վիրահատության օրը ցիկլի սկզբից 6-8 օր: Եթե դաշտանը սպասվածից շուտ է տեղի ունենում, անպայման տեղեկացրեք ինձ և անեսթեզիոլոգին այս մասին:

ՎԻՐԱՀԱՏՈՒԹԻԱՆ ՕՐԸ

• Վիրահատության համար կլինիկա գնալիս մի մոռացեք ձեր անձնագիրը և տպված բոլոր թեստերը (նախապես պատճենեք, եթե ձեզ անհրաժեշտ է երկրորդ օրինակ):
• Մի օգտագործեք օծանելիք, կոսմետիկա կամ ուժեղ բուրմունք ունեցող ապրանքներ։ Զարդեր, թանկարժեք իրեր և փող թողեք տանը։ Վիրահատության ժամանակ դրանք ձեզ հաստատ պետք չեն լինի 😉
• Հեռացրեք ձեր ձախ ձեռքի ցուցամեխից ամեն ինչ, ներառյալ կեղծ եղունգը: Սա անհրաժեշտ է զարկերակային օքսիմետր (արյան թթվածնով հագեցվածությունը վերահսկելու սարք) միացնելու համար:
• Ընտրեք հարմարավետ հագուստ, որը ստիպված չեք լինի հանել և հագնել գլխին քաշելով։  Կայծակաճարմանդով կամ կոճակներով հագուստը լավագույնն է:
• Եթե ունեք երակների վարիկոզ լայնացում, ապա ձեզ հարկավոր են կոմպրեսիոն գուլպաներ։

Նախապես մտածեք, թե ինչպես եք տուն հասնելու կլինիկայից, քանի որ վիրահատությունից հետո չեք կարողանա մեքենա վարել։